அபுதாபி… 25.6.22 மாலை இந்திய சமூக கலாச்சார மையம் அரங்கில், நடிகர், தயாரிப்பாளர் மற்றும், இயக்குநர் கமல்ஹாஸன் அவர்களுடன் -சிறப்பு சந்திப்பு. IBPG - Indian business and professional group, The institute of Charted accountants of India Abu Dhabi chapters Ltd.,ஏற்பாடு செய்திருந்த நிகழ்வு. விழா ஒருங்கிணைப்பு குழு உறுப்பினர் தம்பி Firdhous Basha வின் அன்பு அழைப்பின் பேரில், தம்பி Kausar Baig உடன் , அபுதாபி நிகழ்வுக்கு துபாயிருந்து, PCR சோதனை செய்து, Al Hosn செயலியில் பச்சைவண்ணம் ஒளிரச்செய்து… உலகநாயகனைக் காண ஒரு பயணம். தொற்றின் அதிகரிப்பு மற்றும் சில நடைமுறை சிக்கல்கள் காரணம், விழா தாமதமானது. எட்டு மணியளவில் மேடையேறிய இந்தியத் திரையுலகின் அறுபதாண்டு கால ஆச்சர்யம் கமல்ஹாஸன், ஊடகவியலாளர் விக்ரந்த்தின் கேள்விகளுக்கு ஆங்கிலத்தில் பதிலளித்தார். இந்திய சமூக கலாச்சார மையத்தில் நடைபெற்ற விழா ஆதலால் ஆங்கில உரையாடல். பதினைந்தே நிமிடங்கள். அரங்கத்தில் கரவொலி அதிர அதிர… இந்திய சமூக கலாச்சார ...

“இந்த உயரம் போதுமா …? பாருடா” இன்னும் கொஞ்சம் அரைஅடி மேல “தூக்கலாம்…” வியர்க்க வியர்க்க மின் விளக்குக் கம்பத்தில் பள்ளித் தோழன் தாமோதரன் 1986 ஏப்ரல் கடலூர் கூத்தப்பாக்கம் புறநகர். வீதி விளக்குக் கம்பத்தில் ஏறி பதாகையைக் கட்டிய சக கமல் ரசிகனாக பள்ளித்தோழன் தாமோதரன்… கீழ் நின்று கொண்டு உத்தரவுகளும் ஆலோசனைகளும் வழங்கிக் கொண்டிருந்த நானும் நண்பன் நாகராஜனும் Narayan Nagarajan மூன்றுக்கு இரண்டரை அடி மரச்சட்டகம் அதன்மேல் விரித்துக்கட்டப்பட்ட வேட்டித்துணி… அதன்மேல் கன்னத்தில் விரல்கள் பிரித்து வைத்து கழுத்து வரை புகைப்படமாக உறைந்து நிற்கிற கமலஹாசன். சலங்கைஒலி பட பொங்கல் வாழ்த்துப் புகைப்படங்கள். ஸ்கெட்ச் பென்னால் எழுதிய டிஜிட்டல் எழுத்துகள். எங்களது பெயர்கள்…. “நானும் ஒரு தொழிலாளி” பட இடைவேளையில் கடலூர் பாடலி திரையரங்கில் பார்த்த விக்ரம் படத்தின் முன்னோட்டக் காட்சி மனதின் திரையில். 9 ம் வகுப்பு விடுமுறை… தகிக்கும் அக்கினி வெய்யில்… நாகராஜனின் பெற்றோர் ஊரில், வீட்டில் இல்லாத காரணம்… விக்ரம் திரைப்படத்திற்கான ரசிகனின் ...

“மண்ணுலகில் இன்று தேவன் இறங்கி வருகிறார்… நல்ல மனிதர் நடுவில் குழந்தை வடிவம் பெறுகிறார்…" கடலூர் புனித வளனார் பள்ளி அரங்கில், புரொஜக்டர் இரைச்சலையும் தாண்டி மிஸ் ஆக்னெஸ், தனது புடவைத்தலைப்பால் கண்ணீரைத் துடைத்தவாறே விசும்பிய சப்தம் -- மூன்றாம் வகுப்பு மாணவனாக நினைவில் நிழலாடுகிறது... பள்ளியில் என்னை கனிவான கண்டிப்பிற்குள்ளக்கிய மதர் சுப்பீரியர், ஆரம்ப பள்ளி நாட்களில் நிதமும் அலுமினிய டிபன் பாக்ஸ் திறந்து தரும் தாட்டியான அன்னமேரி அக்கா, பள்ளி முடித்து பல வருடங்கள் கடந்தபோதும், பார்த்த போதெல்லாம் பழைய பாசத்தில் என் கன்னம் திருகி, நலம் விசாரிக்கும் மேவீஸ் மிஸ், ரிக்க்ஷா ஓட்டிய லூர்து அண்ணன், “பச்சைக் கிளி ஓடும் , பறந்தது பறந்து பாடும் குண்டு மாம்பழம் தேடும் , கூண்டில் அடைத்தால் வாடும்..." -என்ற குழந்தைப் பாடலை அபிநயத்தோடு எனக்கு சொல்லித்தந்து நான்கு வயதில் என்னை மேடை ஏற்றி, அரங்கேற்றம் செய்து முதல் கைத்தட்டல் பெற்றுத்தந்த மிஸ் ஃபெல்சி… ---எல்லோரும் ...

"தீபாவளி" சட்டென்று கடந்து போய் விட முடியாத அனுபவம் எனவே,கடந்த வருட பதிவு - மற்றுமொரு முறை... இனிய நண்பர்களின் மீள் வாசிப்பிற்காக... எத்தனை, எத்தனை தீபாவளி. நமது பெரும்பான்மையான கொண்டாட்டங்கள் நினைவு சார்ந்தவை.பெரும்பான்மையான நினைவுகள் கொண்டாடத் தக்கவை. "தீபாவளி" எத்தனை, எத்தனை தீபாவளி..... ஒரு மாதம் முன்பே எடுத்து, தைக்கக் கொடுத்த துணி வாங்க நாலைந்து முறை அலைந்தும் அலுக்காத தீபாவளி... அம்மாவோடு அடுப்படியில் வியர்க்க, வியர்க்க அதிரசம் தட்டிக்கொடுத்து, விரல் இடுக்குகள் வெல்லப்பாகு பிசுபிசுக்க, பாமாயில் வெக்கையை சுவாசித்து, சுவாரஸ்யம் கூட்டிய தீபாவளி... அப்பாவின் சைக்கிளில், கேரியரில் அமர்ந்து மடியில் ஒயர் கூடையில் கனக்கின்ற பட்டாசும், மத்தாப்பாய் மகிழ்ச்சி தெறிக்கும் மனசுமாய், வீடு சேர்ந்த தீபாவளி... வாங்கிய வெடியை முறத்தில், தந்தி பேப்பர் தளமிட்டுப் பரத்தி மொட்டை மாடி வெயிலில் காய வைத்து காவல் காத்த தீபாவளி... மேகம் பார்த்து, கண்களில் சோகம் கோர்த்து, மழைக்கு பயந்து, மனசு நனைத்த தீபாவளி... அதிகாலை எண்ணைக் குளியலில், சீயக்காய் பொடி கண்களில் இறங்கி, ...

"ஏதாவது செய்ய தான் நாமெல்லாம் இங்க இருக்கோம்... இந்த கோட்டையில வந்து உக்காந்திருக்கோம்னேன்...  முடியாதுன்னு சொல்ல ஆயிரம் காரணம் கண்டுபிடிக்கவா  படிச்சிருக்கோம்? முடியும்னு சொல்ல ஒரு காரணம்  கண்டுபிடிங்கன்னேன்..."  ---முதலமைச்சரின் அறை அதிர்ந்தது. சில அதிகாரிகளும், அமைச்சர்களும் இருக்கைகளில் அமர்ந்திருக்க., சில நொடிகள் அசாத்திய அமைதி...மின்விசிறியின் சப்தம் மட்டும் சன்னமான  இரைச்சலில்  "Dead investment... பிரயோஜனம் இல்லாத திட்டம்னு  எல்லாம் சொல்ல நம்மை மக்கள் தேர்ந்து எடுக்கலை... ஏதாவது செய்வோம்னு தான் மக்கள் காத்திருக்காங்க... உங்க பட்ஜெட் ல இதுக்கெல்லாம் பணமில்லேன்னாக்கூட இது நடக்கணும்... அதுக்குள்ள வழியைப்  பாருங்க.." ---தண்ணீர் குடித்து விட்டு, கல்வி ஆலோசகர் நெ. து . சுந்தரவடிவேலு-வை அழைத்துக்கொண்டு, அறையிலிருந்து வெளியேறினார் முதல்வர்.. அதிகாரிகள் செய்வதறியாமல் எழுந்தனர். தத்தமக்குள் பேசிக்கொண்டு கலைந்தனர். சில வாரங்களுக்கு முன்… 1956 -  நெல்லை அருகே , சேரன்மாதேவி...  முதல்வரின்  வாகனம் , அதற்கான அடையாளங்கள் இன்றி எளிமையாக விரைந்துகொண்டிருக்கிறது.  வெயிலடிக்கும் வறண்ட வெளியில் அங்கொன்றும் இங்கொன்றுமாக மேய்ந்துகொண்டிருக்கும் ...

ரீங்காரம்... ஒலித்தது எனது காதோரம்... திரும்பினேன். “சுறுசுறுப்பிற்கு நீ அடிக்கடி சுட்டும் தேனீ நான்! நண்டுக்கும் வண்டுக்கும் நாலறிவு என்றவனே... நாலறிவன் நானுரைக்கிறேன்... வாலறிவன் தான் தான் என்று செருக்கித் திரிந்தவன் நீ... வால் நறுக்கி  உனது இல்ல வாசல் அடைத்தது இயற்கை. உனது ஆறாம் அறிவு,உனது மொழி,  உன்னத கண்டுபிடிப்பு, நிலம், ஆணவம்,ராணுவம், அகந்தை, அத்தனையும் அர்த்தமிழந்தது இன்று... பார்வைக்குத் தெரியாத பகையைக் கூட வெல்ல இயலாதவன் நீ... பிறர் துன்பம் அறிந்து கொள்ள முயலாதவன் நீ... கற்றால் உடன் மறந்தவன் நீ... இன்று… தொற்றால் வாடித் துவண்டவன் நீ... நன்றி உனக்கு... இன்று... மனிதன் வாரா தோட்டங்களில் மலர்கள் அதிகம் பூக்கின்றன... மனம் போல மகரந்தச்சேர்க்கை நடக்கிறது... சேதாரமில்லாமல் சேர்த்ததேன் கூடடைகிறது... மனிதா... உன் பாதம் பட்ட தரையில் புற்கள் கூட முளைப்பதில்லை எங்கள் ஐந்தேஆண்டு வாழ்வுக்கிணையாய் நீ ஆயுள் முழுதும் கூட உழைப்பதில்லை ====   லட்சம் பூக்கள் தொட்டு, எமது எச்சில் துளிகள் பட்டு, களமாடி சேகரம் செய்த தேனைக் களவாடிக் குடிப்பவன் நீ...உறவாடிக் கெடுப்பவன் நீ...   சுறுசுறுப்பு வேறு… பரபரப்பு வேறு… அறிவாயா? ஒரு கோடி- மலர் நாடி -ஒரு ஜாடி தேன் சேர்க்க... ஆயிரமாயிரம் மைல்கள் பறப்போம்- அது சுறுசுறுப்பு! வேலை என்ன? ...

  நெற்றி புரளும் கேசம், நேர்மை நிறைந்த சுவாசம்  எங்களை- நெஞ்சில் சுமந்த பாசம் அன்பு,அறம்...நேசம் - ஐயா, உங்கள் நினைவை பேசும்- இன்று  இழந்து நிற்குது நம் தேசம்.   ஆய்வே வாழ்வென்று இருந்ததால்- உங்களை  ஓய்வே வந்தழைத்துச் சென்ற நாள் உங்கள் சொல் கேட்டு, மேகம் வழியனுப்பி கலம் விண்வெளி அடைந்தது - சாதனை  மேகாலயம் வழியனுப்பி கலாம் விண்வெளி அடைந்தது -வேதனை   வியப்பானதொரு விநோதக் கலவை நீங்கள் அறிவுசால் அணு விஞ்ஞானி அழகு மொழி கவி மெய்ஞானி! உங்கள் கலம் விண் தொட்டது உங்கள் கரம் மரக்கன்று நட மண் தொட்டது! அன்று பதவியால்- முதல் இந்தியக் குடிமகன்  செய்த உதவியால் - எங்கள் இல்லத் தமிழ் மகன் மெல்ல அசைந்தது உங்கள் அக்கினிச் சிறகு ஒவ்வொரு சொல்லுக்கும் இசைந்து மலர்ந்தது மனது    ஐயா, கற்றலும், கற்பித்தலும் - கடமை என்றீர்கள்  உறங்கவிடா கனவே - எங்கள் உடமை என்றீர்கள் இங்கு பல சிந்தனைகளை விதைத்துச் சென்றீர்கள்  இந்த நூற்றாண்டு, இளைஞர் மனதை வென்றீர்கள்!!

நூற்றாண்டின் கலைஞன் கமல்ஹாசன இரண்டாம் வகுப்பு விடுமுறை காலம் என்பதாக நினைவு. நினைத்தாலே இனிக்கும் திரைப்படம் கடலூர் கமலம் திரை அரங்கில், புதிதாய் திறக்கப்பட்டு முதல் படமாய் திரையிடப் பட்டிருந்தது. அந்த சிவப்பான, ஸ்டெப் கட்டிங் வைத்த,வெளிர் நிற கண்விழிகள் கொண்ட அந்த இளைஞன், முன்பே திரையில்அவள் ஒரு தொடர்கதை, அவர்கள் திரைப்படங்களில் எனக்கு அறிமுகமான இளைஞன் தான் என்ற போதும், என்னை முழுமையாக சுவீகரித்துக் கொண்டது 1979-ல். அந்த வயதுகளில் புரியாத நடிப்பு, புரியாத சிக்கலான பாத்திரப் படைப்பு என்றாலும், அந்த இளைஞன் எனது பால்ய கால நினைவுகளில் பதிந்து போனது, எனது ரசனைத் தளம் நல்வழியில் விரிவடைந்ததற்கான மூலக்கூறு. நேர்த்தி... நேர்த்தி ... நேர்த்தி...திரைக்கலையின் உச்ச நேர்த்தியைத் தொட அரைநூற்றாண்டாக இடையறாது முயன்றுகொண்டே இருக்கும் பெருங்கலைஞன். காண்போரின் எதிர்பார்ப்பிற்கு சற்றேனும் அதிகமாக திறன் காட்டி வியக்கச் செய்யும் முனைப்பை ஒரு மனிதன் அலுப்பின்றி இத்தனை காலமா தொடந்து நிகழ்த்த இயலும்? கமல்ஹாசன் ...